Հունվարի 8-25— նախագծային ուսուցման ուսումնական ճամբարներ կրթահամալիրի դպրոցներում. ամենամյա բաց հանրակրթական ստուգատեսներ.
Մասնակիցներ՝ 2.2 դասարանի սովորողներ
Ճամբարի ուղղությունները.
Մարմնամազության սուգատեսին.
Ժամանականցույց՝ 24.12.2019
Մասնակիցներ՝ 2.1 և 2.2 դասարանի սովորողներ
Ստուգատեսի տևողությունը՝ 40-45 րոպե տևողություն։ Այն բաղկացած է երկու մասից՝ նախավարժանք և մարզական խաղեր։
Նկարագրություն`
Հանդերձարաններում հագնել մարզահագուստը, մարզակոշիկները և հագուստը կախել կախիչներից:
Նախավարժանք
Տաքացնել մկանները վերևից ներքև՝ պարանոցից ոտնաթաթ։
1.Սովորողներին տրվում է հրահանգ ձետքերը գոտկատեղին, քթով օդում գրել 1-ից 10 թվերը և հակառակը:
Այս նախավարժանքը թույլ կտա լիարժեք աշխատացնել պարանոցի, դեմքի մկանները:
2. Կատարում ենք կրծքավանդակի ձգումներ. ձեռքերը կրծքավանդակի մոտ, ելման դրություն, երեք հաշիվ զսպանակում ենք, չորսին լայն բացում ենք՝ թեքվելով աջ և … ձախ:
3. Կատարում ենք արտակորումներ՝ առաջ և հետ:
Ձեռքերը գոտկատեղին ելման դրություն, երեք հաշիվ զսպանակում ենք առաջ, չորսին ելման դրություն: Եվ նույնը՝ դեպի հետ, աջ և ձախ:
4. Կատարում ենք կքանիստ
5. Տեղում ցատկեր երկու ոտքի վրա, մեկ ոտքի վրա:
6. Շարային վարժություններ
7. Մագլցման վարժություններ – մագլցում ներքնակների , մարզանստարանին վրայով ձեռքերի ձգումով:
8. Ակրոբատիկական վարժություններ – կքանիստ դրությունից գլորում / առաջ եւ հետ /, գլուխկոնծի / առաջ եւ հետ /, կանգ թիակների վրա, ծնկները ծալած եւ ոտնաթաթերը ձգված դեպի վեր:
9. Հավասարակշռության վարժություններ – կանգ ոտնաթաթերին, կանգ մեկ ոտքի վրա մարզանստարանին:
Խաղ
Մասնակիցները մեկնարկային գծից` պարկեր ոտքերին հագած, ցատկելով հասնում են եզրագծին, պարկից դուրս գալիս, վազելով ետ վերադառնում, փոխանցնում հաջորդ մասնակցին: Նույն գործողությունները կրկնում են շարքում կանգնած բոլոր մասնակիցները:
Ձմեռային բակային, մարզական խաղեր՝ ձնագնդի, սահնակ, ձնային նկարչություն, ձմեռային -բակային խաղերի կազմակերպում
Լողի ստուգատես
Մասնակիցները՝
Հարավային դպրոց-պարտեզի 2.2 դասարան,Սեդա Խաչատրյան
Ժամանակացույցը`25.01.2019
ժամը`11:10-11:45
Ծրագրում ՝
Նախավարժանք
Ոտքերով մկրատաձև մարզանք
Ոտնաթաթերի ձգում դեպի վեր
Վարժություններ
Շնչառության պահում 10-15 վայրկյան
Ջրացատկ`Սովորողները հերթով լողավազանի եզրից ցատկում են ջրի մեջ՝ փորձելով երկար ցատկ անել դեպի լողավազան:
Խաղեր
Խաղ 1
Սովորողները առանց թևիկների ու լողատախտակով լողում են ուղիղ ՝ մինչև դիմացը կանգնած թիմակիցը, մյուս թիմակիցը վերցնում է լողատախտակը և շարժվում առաջ։ էստաֆետին կարող են մասնակցել 2-ից ավել թիմեր, ամեն թիմում՝ առնվազն 4 սովորող:
Խաղ 2
Շարժախաղ
Խաղին սովորողները մասնակցում են անհատապես: Նախապես մարզիչը զրոյացնում է վայրկյանաչափը, սովորողը , սուլիչը հնչելուն պես, ցատկում է լողավազանի մեջ և լողավազանի լայնքով լողում փորի վրա, վերադարձը՝ մեջքալող:
Անհրաժեշտ պարագաներ՝
- Լողազգեստ
- Ռեզինե գլխարկ
- Լողաթափեր
- Սրբիչ
- Ակնոցներ
- Գնդակ
Բնագիտական-տեխնիկական նախագծեր
Դպրոցը բնագիտական-տեխնիկական բաց արհեստանոց
Բնագիտական արհեստանոց տանը
Նախապատրաստվում ենք Բնագիտատեխնիկական ստուգատեսին
- բնագիտական փորձեր, ռոբոտների, լեգոների հավաքում
- բնագիտական փորձերի իրականացում, արդյունքների գրանցում
Նախապատրաստվում ենք Դիջիթեքին
- նյութերի դիտում, քննարկում, ծանոթացում անվանակարգերի հետ
Կարդում ենք Թումանյան. ուսումնական նախագիծ
Ժամկետը՝ հունվարի 22-ից փետրվարի 20
Նախագծի խնդիրները
- Սովորողների մոտ ձևավորել կարդալու, պատմելու, ճանաչելու, խոսելու, լսելու, քննարկելու և վերլուծելու կարողություններ ու հմտություններ
- Բառապաշարի հարստացում և զարգացում
- Միասին ընթերցելու, քննարկելու հմտությունների ձևավորում
- Թումանյանի ստեղծագործությունների յուրացում /բերանացի/
- Ստեղծագործությունների ներկայացում, մեկնաբանություն, տարածում
Տեխնոլոգիական գործունեություն — Թափոններով, կավով, պլաստիլինով, խմորով ստեղծում ենք թումանյանական հերոսներ
Ընտանեկան նախագծեր — Թումանյան կարդում ենք ընտանիքում ՝ ներառելով ընտանիքի բոլոր անդամներին։ Ստեղծվում է թումանյանական մեդիաներկայացումների փաթեթ:
Մխիթար Սեբաստացի կրթահամալիր 