Օրը՝ 16.03.2023
Սկիզբը՝ 11:00
Մասնակիցները՝ Հարավային դպրոցի 5-6 տարեկաններ
Վայրը՝ Սուրբ երրորդություն եկեղեցու բակ
Պատասխանատուներ` Սեդա Խաչատրյան, Սուսաննա Ալոյան
Նպատակը՝ հեծանվով, ինքնագլորով մարզական ստուգատեսի անցկացում, սաների մարզական կարողությունների դիտարկում:
Խնդիրները՝
- Հեծանիվ, ինքնագլոր վարելու կարողության դիտարկում, գրանցում.
- Մարզական գործունեությանը նախապատրաստվելու կարողության զարգացում /համապատասխան մարզահագուստ, մարզակոշիկներ, պաշտպանիչ գլխարկ/
- Անվտանգության, հիգիենայի կանոնների պահպանում.
Ընթացքը.
Ստուգատեսը կիրականացնենք Սուրբ Երրորդություն եկեղեցու բակում։ 5-6 տարեկանները կհագնեն իրենց գունավոր շապիկները, մարզակոշիկները, կվերցնեն ինքնագլորները և կշարժվենք դեպի եկեղեցու բակ։ Ստուգատեսը կսկսենք նախավարժանքով, այնուհետև սովորողները կցուցադրեն ինքնագլոր վարելու իրենց հմտությունները՝ կանգնակների շրջանցումով։ Խաղերը կիրականացնենք փոխանցումներով։ Կբաժանվենք 2 խմբի։ Յուրաքանչյուր խմբի դիմաց դրված կլինեն կանգնակներ, խմբերի առաջին մասնակիցները ինքնագլորներով կշրջանցեն կանգնակները, կվերադառնան` մեկնարկը տալով հաջորդ մասնակիցներին։ Խաղ֊մրցույթը կշարունակվի մինչև վերջին մասնակիցը։
Արդյունքները կամփոփվեն դասարանական բլոգում:
Մխիթար Սեբաստացի կրթահամալիր 